थान केँ नापबाक फेर मे गज फेंकल जाइ ए।
आकाश छूबाक फेर मे जमीन छूटल जाइ ए।
भाँति-भाँति के सुन्नर फूल लागल फुलवारी मे,
कमल लगेबाक फेर मे गेना टूटल जाइ ए।
चानी सँ संतोख भेल नै, आब सोनक पाँछा भागू,
सोन कीनबाक फेर मे इ चानी रूसल जाइ ए।
दूरक चमकैत वस्तु अंगोरा भय सकै अछि,
मृगतृष्णाक फेर मे देखू मृग कूदल जाइ ए।
चानक इजोरिया मे काज "ओम"क होइते छल,
भोर-इजोरियाक फेर मे चान डूबल जाइ ए।
------------- वर्ण १८ -----------------
No comments:
Post a Comment